5 тамыз - Медиаторлар күні

5 тамыз — Қазақстанда Медиация күні. Бұл – қоғамдық келісімді нығайтуға үлес қосатын маңызды кәсіби мереке. Бұл күні этномедиацияға ерекше назар аударылады. Костанай облысы Қазақстан халқы Ассамблеясы жанындағы этномедиация кеңесінің дөңгелек үстелі университетіміздегі ҚХА кабинетінде өтті. Іс-шараға ҚИнЭУ-дің Мансап және бизнес көшбасшылық орталығының директоры, ҚХА жанындағы Ақсақалдар кеңесінің мүшесі Ай-Гуль Сералиевна Сегізбаева қатысты. Жиын барысында этномедиацияның қоғамдағы рөлі, бейбіт келісім мен тұрақтылықты сақтау жолындағы маңызы, этносаралық жанжалдардың алдын алу, түрлі этностар арасындағы өзара түсіністік пен құрметке негізделген диалог жүргізу мәселелері талқыланды. Этномедиация кеңесінің құрамына медиаторлармен қатар, этномәдени бірлестіктердің өкілдері, заңгерлер, психологтар және этносаралық қатынастар саласының мамандары кіреді. Іс-шара соңында Қостанай облысы Қазақстан халқы Ассамблеясы, этномедиация кеңесі және Қостанай облысы бойынша Қылмыстық-атқару жүйесі Департаменті арасында өзара ынтымақтастық туралы меморандумға қол қойылды. Бұл құжат ынтымақтастық Қостанай облысындағы түзету мекемелерінде жазасын өтеуші азаматтарға рухани-адамгершілік тәрбие беру, құқықтық сауаттылықты арттыру, этносаралық мәдениетті дамытуға бағытталған. Сондай-ақ кәсіби мерекеге орай этномедиация кеңесінің төрағасы мен оның орынбасары Қостанай облысы Қазақстан халқы Ассамблеясының алғыс хаттармен марапатталды.