Әріптестік туралы Меморандумға қол қою арқылы ынтымақтастық орнатты
Қоғамның өмірін жақсартудағы әйелдің рөлі қандай? Гендерлік теңдік саласындағы мәселелерді шешу үшін, сондай-ақ әйелдердің кемсітушіліктері мен құқықтарының бұзылуымен күресу үшін институционалдық реформаларды жүргізуде әйелдің қандай мүмкіндіктері бар? Осы және басқа да өзекті мәселелер Қостанай облысы Әйелдер Күштері Альянсының үйлестіру кеңесінің отырысында талқыланды.
Отырыс жұмысына М.Дулатов атындағы ҚИнЭУ президенті міндетін атқарушы Мамедов Р.А. пен «Мансап» орталығының директоры Сегізбаева А.С. қатысты.
«Әйелдер Күштері Альянсы» ЗТБ төрағасы Бектұрғанова Римма Шыңғысқызы мен М.Дулатов атындағы Қостанай инженерлік-экономикалық университеті президентінің м.а Мамедов Рихсибай Абдурахманұлы әріптестік туралы Меморандумға қол қою арқылы ынтымақтастық жасады.
Меморандумның мәні академиялық ортаның қоғамдық ұйымдармен байланысын қамтамасыз ету мақсатында тараптардың ынтымақтастығы, сондай-ақ инновацияларды қалыптастыруды, жаңа мүмкіндіктерді көруді және өмірді жақсарту үшін принциптерді пайдалануды білетін көшбасшылардың жаңа буынын дайындау және тәрбиелеу болып табылады.
Комментарии