ҚИнЭУ ОҚЫТУШЫЛАРЫ “НЕ? ҚАЙДА? ҚАШАН?” ОЙЫНЫНДА
«Жастар Рухы» корпоративтік қорының Қостанай облысы бойынша ұйымдастырған интеллектуалдық ойыны «Жастар сарайында» өтті. Ойынға мемлекеттік, қоғамдық, ғылыми-өндірістік, өндірістік ұйымдар саласында жұмыс істейтін жастардан құралған мықты командалар қатысты.
Ойын мемлекеттік және орыс тілдерінде 3 кезеңнен тұрды. Қатысушыларға ұялы телефондар мен басқа да гаджеттерді пайдалануға тыйым салынды. Ойын қорытындысы бойынша ең көп ұпай жинаған қатысушылар 1, 2 және 3 орындармен марапатталды.
ҚИнЭУ командасы келесі құрамда өнер көрсетті:
• Табулденов Абылайхан Нұрмағамбетович;
• Войцеховская Ольга Викторовна;
• Қайсар Нұрлан Каримович;
• Аубакиров Әлішер Ерланович;
• Онайбекова Мерей Ерікқызы.
Біздің команда бар өнерлерін ортаға салды бірақ, өкінішке орай, жүлделі орынға қол жеткізе алмады. Дегенмен, қола жүлдеден небәрі бірнеше ұпайға ғана кем түсті. Ойынға қатысқан оқытушыларымызға алғысымызды білдіреміз!
Комментарии