ҚИнЭУ – МИСС ЭТНО ҚОСТАНАЙДА!

ҚИнЭУ – Мисс Этно Қостанайда!
«Стандарттау және сертификаттау» білім беру бағдарламасының 1-курс студенті Мадинабону Набиева Қостанай облысының Қазақстан халқы Ассамблеясы қолдауымен өтетін «Мисс Этно Қостанай» байқауының 11-маусымына қатысып жатыр.
Белсенді, сұлу, әрі әдемі Мадинабону Түркістан облысында этникалық өзбек отбасында дүниеге келген. Мадинабону қазақ тілін жетік меңгерген және университеттің қоғамдық өміріне белсене араласады: түрлі іс-шараларды ұйымдастырып, жаңа ашылған Ассамблея кабинеті жұмысына жетекшілік етеді.
«Біздің Қостанай» газетіне берген сұхбатында Мадинабону қазіргі таңда студенттер үйінде тұратынын және әр апта сайын студенттерді дәмді өзбек палауымен қуантып тұратынын айтты.
«Мисс Этно Қостанай-2024» конкурсына дауыс беру желтоқсан айында «Біздің Қостанай» газетінің телеграм-арнасында өтеді. Біздің қатысушымызды қолдауға дайын болайық!