Диалог алаңы

Қаламыздың университеттер мен колледждер базасындағы “Ассамблея жастарының” өкілдері ҚИнЭУ-дың Қазақстан халқы Ассамблеясының кабинеті қабырғасында кездесті.

Кездесуді Қазақстан халқы Ассамблеясының Қостанай облысы бойынша басшысы Наталья Рамазанова мен Қостанай облысы бойынша «Ассамблея жастары» РҚБ өкілдігінің басшысы Руслан Мурзагалиев өткізді.
Бұл іс-шара шешендік шеберліктерін жетілдіріп, спикер болуға ұмтылатын және этноаралық қатынастар саласындағы білімдерін тереңдетуге ниетті жастарды жинады.
Кездесуде көпшілік алдында сөйлеу дағдылары мен тиімді қарым-қатынас мәселелеріне айрықша назар аударылды, ал жастар бұл дағдыларды шешендік шеберлік бойынша өтетін болашақ тренингтер мен тәжірибелік сабақтарда дамыта алады.
Студенттер алғашқы үй тапсырмаларын да алды. Келесі кездесуге дейін Қазақстан халқы Ассамблеясының қызметі туралы ақпарат дайындап келу керек.