Серіктестермен практикалық сабақтар

Қаңтар айында әлеуметтік-экономикалық пәндер кафедрасы Қостанай облысының өңірлік дене шынықтыру және қосымша білім беру орталығымен меморандумға қол қойып, оның базасында кафедра филиалын ашқан еді. Ақпан айынан бастап бұл жерде ынтымақтастық аясында студенттер үшін практикалық сабақтар өткізіле бастады.

«Туризм» білім беру бағдарламасының 1 курс студенті Полина Максимова «Туристік қауіпсіздік негіздері» пәні бойынша сабақтарға белсенді қатысады. Бұл сабақтар Полинаға туризм саласындағы қауіпсіздіктің маңызды аспектілерін тереңірек зерттеуге және болашақ мансап үшін қажетті дағдыларды дамытуға бірегей мүмкіндік береді.