Жасыл әлем-жасыл энергетика

Бүгін энергетика және машина құрастыру кафедрасының апталығы аясында «Жасыл әлем - жасыл энергетика» тақырыбында ашық сабақ өтті. Бұл сабақта альтернативті энергетика мәселелері талқыланды.

 Қазіргі таңда энергияның тапшылығы мен қазба байлықтарының таусылуы, сондай-ақ экологияның бұзылуы себепті альтернативті энергетиканы дамыту қажеттілігі айқын көрініс табуда. Экологияның бұзылуы, қоғамның жасыл энергетика мен электрокар сияқты технологияларға сенімсіз қарауы да проблемалық факторлар болып табылады. Бұл мәселелер көп жағдайда халықтың дайын еместігін көрсетеді.

 Сабақ барысында әр түрлі мамандықтардан студенттер өз салалары бойынша баяндамалар жасады. Машина құрастырушылар электрокарлар туралы, агрономдар биоэнергетика, экономистер жасыл экономика  жайлы баяндама оқыды. Жасыл экономика, оның ішінде биоэнергетика мен электрокарлардың болашағы туралы көптеген қызықты пікірлер айтылды. Барлық баяндамалар тыңдаушыларға жаңа білімдер  берді.