Агроэкология

«Агроэкология» 6В08147 білім беру бағдарламасы - Erasmus + 101082564 «Development of bachelor program in agroecology with dual education in Kazakhstan/AGROKAZ» жобасы шеңберінде әзірленген дуальді оқытудың бірлескен бағдарламасы.

«Агроэкология» білім беру бағдарламасының ерекшелігі - ол пәнаралық болып табылады және биологиялық әртүрлілікті сақтау және елдің азық-түлік қауіпсіздігін қамтамасыз ету негізі ретінде ауыл шаруашылығын орнықты және экологиялық қауіпсіз дамыту үшін қажетті негіз қалайды.

Осы білім беру бағдарламасына байланысты маңызды аспектілер:

өндірістен менторларды тарта отырып, кәсіпорындардың нақты жағдайлары бойынша семестрлік және курстық жобаларды орындау;
дуальді оқыту (оқумен бір мезгілде білім алушылар таңдаған мамандығын тікелей өндірісте меңгереді, яғни бірден университетте де, кәсіпорында да оқиды);
оқу кезеңінде жұмысқа орналасу мүмкіндігі;
сертификатталған растауы бар практикаға бағдарланған, инновациялық, ғылымды қажетсінетін LLL қосымша оқыту бағдарламаларын алу мүмкіндігі;
академиялық ұтқырлық бағдарламасына қатысу мүмкіндігі:

ішкі: ҚазҰАЗУ, С.Торайғыров атындағы Павлодар мемлекеттік университеті, Сейфуллин атындағы ҚазАТЗУ, Шәкәрім атындағы Семей мемлекеттік университеті және т.б.;

сыртқы: Сербия, Хорватия, Грекия және т.б. жоғары оқу орындары.

Бакалавриат бағдарламасын меңгерген бітірушілердің кәсіптік қызмет саласы:

ауыл шаруашылығы өнімдерін өндіру кезінде агроландшафттарды ұтымды пайдалануға және сақтауға бағытталған топырақтық, агрохимиялық, агроэкологиялық зерттеулер мен әзірлемелер;
қоршаған ортаның жай-күйін және өндіріс пен жерді пайдаланудың экологиялық регламенттерінің сақталуын бақылауды;
ауыл шаруашылығы мақсатындағы жерлерді агроэкологиялық бағалау және оларды ұтымды пайдалану әдістерін негіздеу;
өсімдік шаруашылығы өнімін өндірудің және топырақ құнарлылығын қалпына келтірудің экологиялық қауіпсіз технологияларын әзірлеу; агроэкологиялық модельдер, топырақ-экологиялық нормалау.

ҰБТ бейінді пәндері: биология, химия

Берілетін академиялық дәреже: «Агроэкология» 6В08147 білім беру бағдарламасы бойынша ауыл шаруашылығы бакалавры

Кредиттер саны: 243 академиялық кредит

Оқыту тілі: қазақ, орыс

Оқу мерзімі: 4 жыл

Оқыту пішімі: күндізгі