Агроэкология

Білім беру бағдарламасы: Агроэкология

Код:  6В08147

 «6В08147Агроэкология» білім беру бағдарламасы қоршаған ортаны қорғау, ауыл шаруашылығы экожүйелерін тұрақты басқару және экологиялық қауіпсіз технологияларды енгізу саласындағы қазіргі заманғы міндеттерді шеше алатын жоғары білікті мамандарды даярлауға бағытталған. Бағдарлама түлектері агроөнеркәсіптік кешеннің және табиғатты қорғау қызметінің әртүрлі салаларында, атап айтқанда агроқұрылымдарда, фермерлік және шаруа қожалықтарында, зерттеу орталықтарында және мемлекеттік экологиялық қызметтерде сұранысқа ие.

Түлектердің кәсіби функциялары:

• Қоршаған ортаны қорғау саласының маманы: ауыл шаруашылығы өндірісінде табиғатты қорғау іс-шараларын әзірлеуге және енгізуге қатысады, экожүйелерге ауыл шаруашылығы қызметінің әсерін бағалап, зиянды әсерлерді азайту шараларын анықтайды.
• Эколог-агроном: топырақ құнарлылығын сақтау және қалпына келтіру, су ресурстарын ұтымды пайдалану мақсатында агротехнологияларды енгізуді қамтамасыз етеді, ауыл шаруашылығы кәсіпорындарына экология және тұрақты жер пайдалануы мәселелері бойынша кеңес береді.
• Экологиялық мониторинг жүргізу маманы: қоршаған ортаның, топырақ пен су ресурстарының жағдайын мониторингтеу жұмыстарын ұйымдастырады және жүргізеді. Ауыл шаруашылығында агрохимикаттар мен басқа да өсімдіктерді қорғау құралдарының қолданылуына есеп және бақылау жүргізеді.

Жұмысқа орналасу перспективалары:

«6В08147Агроэкология» білім беру бағдарламасының түлектері келесі салаларда жұмыс істей алады:

• Агроқұрылымдарда (фермерлік қожалықтар, агроөнеркәсіптік кәсіпорындар);
• Табиғатты қорғау және экологиялық қызметтерде (қоршаған ортаны қорғау министрліктері мен департаменттері, экологиялық инспекциялар);
• Зерттеу және ғылыми орталықтарда (агроэкология және ауыл шаруашылығы институттары);
• Экологиялық мәселелер және тұрақты даму саласындағы халықаралық және үкіметтік емес ұйымдарда.

Маңызды аспектілер:

• «6В08147Агроэкология» білім беру бағдарламасы инновациялық сипатқа ие және Erasmus+ 101082564 «Қазақстанда дуальді білім беру негізінде агроэкология бойынша бакалавриат бағдарламасын дамыту / AGROKAZ» халықаралық жобасы аясында Алматы қаласындағы Қазақстан Ұлттық аграрлық зерттеу университетімен (KazNARU) бірлесіп әзірленген.
• Бағдарлама дуальді сипатқа ие, яғни университетте теориялық оқытуды серіктес ұйымдар базасында практикалық тәжірибемен үйлестіреді. Мұндай тәсіл алынған білімді тәжірибеде қолдануға, пәнді тереңірек түсінуге және нақты жағдайларда кәсіби қызметке дайындалуға ықпал етеді.
• Практикаға бағытталған, инновациялық және ғылымға негізделген қосымша білім беру бағдарламаларын (LLL – Lifelong Learning) сертификатталған түрде алу мүмкіндігі, бұл агроэкология саласындағы тұрақты кәсіби дамуға және өзгерістерге бейімделуге көмектеседі.
• Академиялық ұтқырлық бағдарламасына қатысу мүмкіндігі:
  • Ішкі: Қазақ ұлттық аграрлық зерттеу университеті (ҚазНАИУ), С.Торайғыров атындағы Павлодар мемлекеттік университеті, Сейфуллин атындағы ҚазАТУ, Шәкәрім атындағы университет және т.б.;
  • Сыртқы: Сербия, Хорватия, Грекия және басқа елдердің жоғары оқу орындары.

Академиялық дәреже:

«6В08147 Агроэкология» білім беру бағдарламасы бойынша ауыл шаруашылығы бакалавры.

Кредиттердің жалпы көлемі: 243 академиялық кредиттер

Оқыту тілі: қазақ, орыс

Оқу мерзімі: 4 жыл

Оқыту форматы: күндізгі

Элективті пәндер каталогы 2024-2025

Білім бері бағдарламасы 6В08147 Агроэкология

Түлек моделі 6В08147 Агроэкология

6В08147 АГРОЭКОЛОГИЯ БІЛІМ БЕРУ БАҒДАРЛАМАСЫН ДАМУ ЖОСПАРЫ

БББ өзгерістер мен толықтырулар

Біздің жұмыс берушілер мен сарапшылар