Бірлік пен келісім жолындағы 30 жыл

Бүгін Елордамызда мемлекет басшысы Қасым-Жомарт Кемелұлы Тоқаевтың төрағалығымен Қазақстан халқы Ассамблеясының XXXIV сессиясы өтті. Сессия жұмысына көрнекті қоғам және мемлекет қайраткерлерімен бірге М. Дулатов атындағы Қостанай инженерлік-экономикалық университетінің Президенті Рихсибай Абдурахманұлы Мамедов та қатысты. Елбасы Қасым-Жомарт Тоқаев Ассамблеяның ел ішіндегі қоғамдық-саяси өмірге қосып отырған елеулі үлесін атап өтті. Президенттің айтуынша, Ассамблея еліміздің ішкі саясатын іске асыруда белсенді рөл атқарып келеді. Қоғамдық ұйымдармен және түрлі институттармен тығыз қарым-қатынас орнатып, мемлекет пен халық арасында тиімді әрі мазмұнды диалогтың қалыптасуына ықпал етуде. «Қазақстан халқы Ассамблеясының 12 мүшесі Ұлттық құрылтай құрамында жемісті еңбек етіп, елдік бастамаларға өз үлесін қосып жатыр», – деді Қасым-Жомарт Тоқаев.