“Салауатты сана»:отбасылық құндылықтар және репродуктивті денсаулық

Қазақстан халқы Ассамблеясы жанындағы Аналар кеңесі отбасы, өскелең ұрпақты тәрбиелеу, балалардың денсаулығын сақтау және отбасылық құндылықтарды қолдау мәселелерімен белсенді айналысады. Аналар кеңесінің негізгі жобаларының бірі - “Салауатты сана” жастардың бойында дұрыс өмірлік бағдарламаларды қалыптастыруға бағытталған. Осы жоба аясында ҚИнЭУ жастар саясаты Департаменті студенттермен ашық әңгіме форматында кездесу ұйымдастырды. Кездесу тақырыбы - “Отбасылық құндылықтар және репродуктивті денсаулық: маңызы нәрселер туралы қысқаша”. Қостанай облысы ҚХА Аналар кеңесінің кураторы Жадыра Жұмасұлтанова балаларға “Салауатты сана” жобасы туралы айтып, бес әлеуметтік кемшілік туралы хабардар етті. Сондай-ақ, студенттермен N2 емханасының гинеколог-дәрігері Шаптур Ирина әңгімелесті. Спикер репродуктивті денсаулық, контрацепция және отбасын жоспарлау тақырыптарын ашты. Фармацевт-маман Евгения Платонкина жастарды репродуктивті денсаулықты сақтаудың негізгі ережелерімен, сондай-ақ контрацепцияның заманауи құралдарымен таныстырды. Кездесу барысында студенттер қызықтырған сұрақтарын қойды.

https://www.instagram.com/reel/DGkTtBGNVE9/?utm_source=ig_web_copy_link&igsh=MzRlODBiNWFlZA==