Отбасылық құндылықтар- басты тақырып

Бүгін, 2025 жылдың 7 сәуірінде  ҚИнЭУ студенттері Қостанай облысы әкімдігінің Қоғамдық даму басқармасының “Отбасылық-демографиялық, гендерлік саясат және отбасылық құндылықтар” жобасы аясында “Ақ көгершін” қоғамдық ұйымы ұйымдастырған психологиялық тренингіне қатысты..

Тренинг отбасы жағдайларын шешуге және жауапты ата-ана болу дағдыларын дамытуға арналды. Қатысушылар ата-ана болудың мәні мен отбасында үйлесімділікті қамтамасыз ету жолдарын, сондай-ақ екі ата-ананың да бала тәрбиесіндегі рөлі мен жауапкершілігін талқылады. Олар балалар ғана емес, ата-аналардың да бақытты болуының маңыздылығын айтты.

Тренинг барысында қатысушылар рөлдік ойындар арқылы әртүрлі отбасы жағдайларын талдап, ата-ана мен гендерлік саясаттың бала тәрбиесіне, сондай-ақ отбасылық құндылықтарға қалай әсер ететінін тереңірек түсінді.

Тренинг аяқталған соң қатысушылар өз топтарында әсерлерімен бөлісіп, жеке тәжірибесі мен көзқарастары арқылы осы тақырыпты талқылайтын болады.