Жастарға арналған тұрғын үй бағдарламаларының іске асырылу барысы қандай?

Бүгін, 2025 жылдың 18 сәуірінде «AMANAT» партиясының Қостанай облыстық филиалы жанындағы жастарды қолдау жөніндегі өңірлік кеңесінің отырысында жастарға арналған тұрғын үй бағдарламаларының жүзеге асырылуы талқыланды.
Кеңеске ҚИнЭУ жастар саясаты Департаментінің директоры Жанар Сейілханқызы Нұрғазина қатысты.

Негізгі баяндамашы - Қостанай облысы әкімдігі қоғамдық даму Басқармасының жастар және азаматтық қоғам істері бойынша бөлімі басшысының міндетін атқарушы А. Қ. Бекмағамбетова. Ол 2022 жылдан «Отбасы банк» АҚ филиалымен бірлесіп, жүзеге асырылып жатқан «Қостанай жастары» жас мамандарға арналған өңірлік тұрғын үй бағдарламасы туралы есеп берді.
Үш жыл ішінде 317 адам тұрғын үй иелері атанған, тағы 26 адам несие алуды жоспарлап отыр. Аталмыш бағдарлама қосымша қаржыландыру мәселесі шешілгеннен кейін 2025 жылы да жалғасады. 

Отырыста сондай-ақ «Отбасы банк» тұрғын үй құрылыс жинақ банкі» АҚ Қостанай облыстық филиалының өкілі баяндама жасады.