«Aqyl battlе»-да ҚИнЭУ намысын қорғады

Бүгін Қостанай инженерлік-экономикалық университетінің студенттері ҚР ІІМ Шырақбек Қабылбаев атындағы Қостанай академиясында өткен облыстық «Aqyl battle» зияткерлік сайысында білім ордамыздың намысын абыроймен қорғап қайтты. Алғашқы кезеңнен-ақ ҚИнЭУ командасы ерекшелігімен көзге түсті: университет өмірі туралы түсірілген бейнебаян көрермендер тарапынан ыстық ықыласқа бөленіп, ұжымдық рух пен оқу орнына деген махаббаттын бейнеледі. Екінші кезеңде командалар логикалық ойлау, жылдам шешім қабылдау бойынша бақ сынасты. Үшінші және төртінші кезеңдер нағыз білім сынағы болды – қатысушылар педагогика, психология және Қазақстан тарихында өз білімдерінің көрсетті. Команда капитаны көшбасшылық қасиеттерімен танылып, капитандар сайысында студенттерді жеңіске жетеледі. Бұл сайыстың жемісі – тек білім мен тәжірибе ғана емес, сонымен қатар жарқын әсерлер мен жаңа достық қарым-қатынастар.