Испаниядағы ғылыми тағылымдама

Қостанай инженерлік-экономикалық университетінің магистранттары Айкерим Оспанова мен Ержан Абилдаев жоғары оқу орындары арасындағы ынтымақтастық туралы келісім шеңберінде Испанияда - Барселона университетінде (Universitat de Barcelona) екі апталық ғылыми тағылымдамадан сәтті өтті.  Айкерім Оспанова «Білім берудегі менеджмент» білім беру бағдарламасының бірінші курс магистранты, Ержан Абилдаев «Аграрлық менеджмент» білім беру бағдарламасы бойынша екінші курста оқиды. Тағылымдама аяқталғаннан кейін Барселона университетінің Халықаралық қатынастар бөлімінің басшысы, педагогика факультетінің профессоры Микель Роберт магистранттармен кездесу өткізіп, оларға ғылыми тағылымдамадан сәтті өткенін растайтын сертификаттар табыс етті.