Алғашқы түлектер - бірінші үлкен жетістіктер

Allur University қабырғасында «Робототехникалық жүйелер» бірлескен білім беру бағдарламасының алғашқы түлектерінің дипломдық жобаларын қорғау рәсімі өтті. Құрметті қонақтар қатарында ҚИнЭУ Президенті Рихсибай Мамедов, «Amanat» партиясының әйелдер қанатының төрайымы Гульсара Жаманкұлова болды. Бірінші курстан бастап студенттер дуалды білім беру жүйесімен оқып, жарты уақытын университетте, жарты уақытын өндірісте өткізді. ҚИнЭУ халықаралық ынтымақтастық және жобаларды енгізу орталығының жетекшісі Жанат Ғалымжанқызы Джабасова атап өткендей, бұл тек оқу процесінің нәтижесі емес, өндірістік серіктестіктің тығыз байланысының жемісі: «DIARKAZ жобасы біз үшін шын мәнінде маңызды. Ол 2020 жылдың қаңтарында басталып, пандемияға қарамастан жүзеге асырылды. Жобаға қазақстандық және еуропалық жоғары оқу орындары қатысты. Германия мен Австрия университеттері — дуалды білім берудің танылған көшбасшылары. Біз олардың тәжірибесімен алмасып, университет пен өндірістің симбиозы шынайы мамандарды даярлауға мүмкіндік берді деп мақтанышпен айта аламыз». Allur University басшысы Людмила Юрьевна Олкинян былай деді: «Бұл біздің ортақ жеңісіміз, ұзақ мерзімді жобаны соңына дейін жеткіздік. Нәтижесінде жаңа зертхана құрылып, білім беру бағдарламасы іске қосылды. «Робототехникалық жүйелер» — алдағы 10–20 жылда сұранысқа ие білім бағдарламасы. Роботизация мен автоматтандыру — бүгінгі және ертеңгі күннің талаптарына жауап. Жоба әрі қарай дамысын!» ҚИнЭУ ректоры Арман Оразалиұлы Исмаилов атап өтті: «Бұл жоба арқасында біз дуалды оқытуды алғашқылардың бірі болып енгіздік. Бірінші курстан бастап студенттер нақты өндірісте жұмыс істеді. Бұл тек оқу емес — түлектің өндіріс алаңында тез бейімделуге жол». ҚИнЭУ Президенті Рихсибай Абдурахманұлы Мамедов алдағы жоспарларымен бөлісті: «Біз үлкен мақсаттарға ұмтыламыз. Халықаралық ынтымақтастықты кеңейтудеміз. Студенттерімізді тәжірибе алмасу үшін шетелге жіберуді жоспарлап отырмыз. Қазір цифрлық бағытқа ерекше назар аударамыз — жасанды интеллект, робототехникалық жүйелерді дамыту. Бұл келесі жылдардың басымдықтары». ҚИнЭУ Allur University-не сыйға кітаптар тарту етті, ал қонақтар қабылдаушы тараптан естелік сыйлықтар алды. Түлектерге оқуын сәтті аяқтағаны туралы сертификаттар табыс етілді, ал студенттердің өздері бұл тәжірибе өте бағалы екенін жеткізді.