Сергей Губерт Көкшетаудың жүрегін жаулады

ҚИнЭУ-дың «Жасанды интеллект» білім беру бағдарламасының 2-курс студенті Сергей Губерт Көкшетау қаласында өткен «Ән - халықтың жаны» атты республикалық фестивальде Гран-при иегері атанды. Сергей үшін ерекше мәнге ие шығарма - Муслим Магомаевтың «Синяя вечность» әні. Бұл әнді университеттік концерттерде бірнеше рет тамашалаған едік. Әрдайым жүрекке жететін үнмен шырқалатын. Фестиваль сахнасында да ол бұл туындыны ерекше тебіреніспен, мәнерлі даусымен жеткізе білді. Осы әсерлі орындау қазылар алқасының көңілінен шығып, оған бас жүлде әкелді.

-Шынымды айтсам, шығармашылық өмірімде қанша байқауға қатысқанымды өзім де нақты айта алмаймын. Бірақ бұл фестиваль - студенттік кезеңімдегі алғашқылардың бірі және оған көптен бері қатысуды армандап жүрген едім, - дейді Сергей, - фестивальге Қазақстанның түкпір-түкпірінен мықты вокалистер жиналды, бәсекелестік өте жоғары болды. ҚИнЭУ студенті тек жеке орындауда ғана емес, басқа да шығармашылық бағыттарда өзін жан-жақты көрсете білді. Оның кәсіби деңгейі мен сахнадағы сенімділігі бірнеше номинацияда жүлделі орындарға ие болуына мүмкіндік берді.

Светлана Петряковамен дуэтте ол бірінші орынды, «Казачья воля» ансамблінде үшінші орынды иеленді. Сергейді шын жүректен құттықтаймыз! Шығармашылық табыс пен жарқын жеңістер тілейміз!

14 қазан 2025 жыл