Қостанайда Kia Qazaqstan автозауыты іске қосылды

Мемлекет басшысы Қасым-Жомарт Тоқаев телекөпір барысында «Kia Qazaqstan» автозауытын іске қосты. Зауыттың салтанатты ашылу рәсіміне М.Дулатов атындағы Қостанай инженерлік-экономикалық университетінің Президенті Рихсибай Мамедов және ректор Арман Исмаилов қатысты. Мемлекет басшысы бірнеше жыл бұрын елде Kia Sportage модельдері жиналғанын, енді кәсіпорын толыққанды өнеркәсіптік деңгейге шыққанын атап өтті. Болашақта автокөлік өндірісіндегі қазақстандық үлесті ұлғайту үшін бөлшектерді оқшаулау деңгейі жоғары басқа модельдер шығарыла бастайды. Қасым-Жомарт Тоқаевтың сөзінше, жоба әлеуметтік маңызға ие. Компания мамандар даярдауға инвестиция салып, болашақ кадрлар үшін корпоративтік оқу орталығын құрады. Қазірдің өзінде зауытта 1,5 мыңға жуық адам жұмыс істейді.

21 қазан 2025 жыл