Колледжден-университетке: қалай түсуге болады?

Бүгін, 2025 жылдың 7 ақпанында университет ректоры Арман Оразалиұлы Исмаилов пен қабылдау комиссиясының басшысы  Жеңісқұл Мұратқызы Жұмаш ҚИнЭУ кәсіпкерлік колледжінің студент-түлектерімен кездесті.

Кездесуде неліктен колледжді аяқтағаннан кейін бірден университетке түсу керектігі  талқыланды.  Ректор жоғары білімнің маңыздылығына тоқталды. Ол жоғары білім мансапты дамуға және кәсіби биіктерге жетуге көмектесетінін атап өтті.

Кәсіпкерлік колледжінің мамандықтары мен университеттің білім беру бағдарламалары  ұқсас. Қабылдау комиссиясының басшысы студенттердің грантқа түсіп кету және стипендия алу мүмкіндіктерін тілге тиек етті. Ол үшін ҰБТ-дан 25 балл жинау керек, егер студент сол мамандық бойынша оқуды жалғастырса, онда оқуға түсу кезінде мектеп пәндері емес, тек екі мамандандырылған пән тапсырылады екен.

Бұл туралы көптеген студенттер білмеген, сондықтан бүгінгі ақпарат оларға пайдалы болды.