Ғылыми кеңес оқу жылын қорытындылады

Бүгін ғылыми кеңес отырысында оқу жылының қорытындысы шығарылып, оқытушылар мен студенттер марапатталды Университет ректоры Арман Оразалиұлы Исмаилов оқудағы, ғылыми және қоғамдық қызметтегі жетістіктері үшін сертификаттар мен дипломдар табыстады. Ахмет Байтұрсынұлы атындағы Қостанай өңірлік университеті базасында өткен, Абай Құнанбайұлының 180-жылдығына арналған «Абай мұрасы — әлемдік руханият» атты халықаралық ғылыми-тәжірибелік конференцияға белсене қатысып, баяндамасымен көзге түскені үшін философия ғылымдарының кандидаты, әлеуметтік-экономикалық пәндер кафедрасының қауымдастырылған профессоры Райхана Қазыханқызы Абрахманова марапатталды. Сондай-ақ, «Ақпараттық қауіпсіздік» бағыты бойынша өткен қаржылық қауіпсіздік бойынша Ұлттық олимпиадада үздік нәтиже көрсетіп, жеңіске жеткені үшін ақпараттық технологиялар және автоматика кафедрасының студенті Иса Джакаровқа I дәрежелі диплом табысталды.