ҚИнЭУ - Бішкектегі өңірлік форумда

ҚИнЭУ халықаралық ынтымақтастық және жобаларды енгізу орталығының басшысы Жанат Ғалымжанқызы Джабасова осы күндері жұмыс сапармен Бішкек қаласында. Ол ТМД елдерін дамыту мәселелері жөніндегі өңірлік форумға қатысуда. Форумды Қырғыз Республикасының цифрлық даму және инновациялық технологиялар министрлігінің қолдауымен Халықаралық Электр байланысы одағы ұйымдастырды. Форум бағдарламасы аясында цифрлық трансформация, байланыс инфрақұрылымын дамыту, киберқауіпсіздік және серіктестіктерді нығайту мәселелеріне арналған тақырыптық дөңгелек үстелдер өтті. ТМД елдері үшін ХЭО-ның өңірлік бастамаларына ерекше назар аударылды. Бұл бөлімде Жанат Ғалымжанқызы баяндама жасап, Қостанай инженерлік-экономикалық университетінің ТДДК-22 өңірлік бастамаларын іске асырудағы жетістіктерімен бөлісті. Университеттің білім беру процесі мен оқу орнының инфрақұрылымын басқару үшін тиімді пайдаланылатын заманауи басқарушы және талдамалық ақпараттық жүйелерді енгізудегі рөлі ерекше атап өтілді. Сонымен қатар, Жанат Ғалымжанқызы университеттің Халықаралық электрбайланыс одағымен серіктестікте бірлесе жүзеге асырылып жатқан жобалары мен іс-шаралары туралы айтып, ынтымақтастықты дамыту бойынша жоспарларымен және ұсыныстарымен бөлісті.