ҚИнЭУ-дың Қытаймен ынтымақтастығы - жаңа серпін

ҚИнЭУ Президенті Рихсибай Абдурахманұлының Қытайдағы жұмыс сапары жалғасуда. Сапар барысында Shanghai Polytechnic University ректорының Халықаралық сұрақтар бойынша кеңесшісі Dr. YAO Li-пен арнайы кездесу өткізіп, екі тарап өзара ынтымақтастықтың барлық бағыттары бойынша келіссөздер жүргізілді. ҚИнЭУ туралы баяндама жасалынып, университеттің даму тарихы және алдағы болашақ жобалары туралы таныстырылды. Сонымен қатар, Рихсибай Абдурахманұлы ҚР Ғылым және жоғары білім министрлігінің дайындаған Қазақстандағы шетелдік беделді жоғары оқу орындарының филиалдары картасымен таныстырып, Мемлекет басшысы Қасым-Жомарт Тоқаевтың тапсырмасына сәйкес елімізде әлемнің жетекші жоғары оқу орындарының филиалдары ашылып жатқанын, Министрлік Қазақстанды Орталық Азиядағы жетекші академиялық хабқа айналдыру бағытында белсенді жұмыс жүргізіп келетінін жеткізді. ҚИнЭУ-дың Қытайдағы іс сапары екіжақты ынтымақтастықты дамытуға үлкен серпін беретіні сөзсіз. Алдағы уақытта екі тарап меморандумға қол қойып, ынтымақтастықтың барлық бағыттары бойынша жұмыс жүргізуді жоспарлап отыр.