Табысты жетістік

Бүгін біз ҚИнЭУ-дың ақпараттық технологиялар және автоматика кафедрасының жарқын түлектерінің бірі — Нұрсұлтан Қабденнің табысты жолы жайында әңгімелемекпіз. Ол өз табандылығының арқасында үлкен жетістіктерге жетіп отыр.  2017 жылы Нұрсұлтан Шығыс Жерорта теңізі университетін бітірді. Пандемия кезінде Кипрдегі жұмысынан айырылып, туған Қостанайға оралады. Сол уақытта ол ҚИнЭУ-дың «Есептеу техникасы және бағдарламалық қамтамасыз ету»білім бағдарламасына түсуге шешім қабылдады. - Пандемия кезінде IT саласын белсенді меңгеріп, Bi Group компаниясында кіші дата-талдаушы болып жұмысқа орналастым. Екінші жоғары білім алу қажеттілігі туындады. Мен ҚИнЭУ-ды таңдадым — мұнда IT маманы үшін қажетті барлық негізгі білім жинақталған, — дейді Нұрсұлтан. Бүгінде ол бір бөлімнің басшысы және жақында АҚШ-тан оралды. Ол Кремний алқабында — әлемдегі жоғары технологиялар мен инновация орталығында оқыды. Сол жерде Meta, Google, Microsoft сияқты алпауыт компаниялар орналасқан. Әлемдегі ең үздік жоғары оқу орындарының бірі - Stanford университетінде жасанды интеллект бойынша білім алды. Қатысушылар жетекші AI компанияларын, соның ішінде Лос-Анджелестегі Amazon студиясын аралады. OpenAI компаниясының — ChatGPT жасаушыларының — штаб-пәтеріне экскурсия ерекше әсер қалдырды.  Қазіргі таңда Нұрсұлтан ҚИнЭУ-дағы білімін аяқтап, дипломдық жұмысын қорғауға дайындалуда: – Мұнда IT саласының барлық бағыттары бойынша сапалы база бар. Мен сайттар әзірлеуді үйрендім, екі рет HTML курстарынан өттім. Көшбасшылық және стартап жобалары бойынша сабақтар ерекше көмектесті. ҚИнЭУ шынайы жүйелік әкімшілер дайындайды — бұл менің жұмысым мен команда басқаруыма үлкен септігін тигізді. Нұрсұлтан Қабденнің жетістігі — білім, мақсат пен табандылық шынайы табысқа жетелейтінін дәлелдейтін шабыттандырарлық үлгі. Біз өз түлектерімізбен мақтанамыз!