ҚИнЭУ қостанайлықтармен бір толқында

Кеше қала орталығы қайтадан музыка мен қуанышқа толды. Қостанай инженерлік-экономикалық университеті «ҚИнЭУ-мен ән шырқа» атты шығармашылық іс-шарасын ұйымдастырды. Университеттің маркетинг және коммуникациялар бөлімі кез келген жанға «ашық микрофон» форматында өздерінің сүйікті әндерін орындауға мүмкіндік берді. Қазақ, ағылшын және тіпті түрік тілдеріндегі әндер қала көшелерін керемет көңіл күйге бөлеп, орындаушылар қысылмай, тыңдармандарды шынайы және жүрекжарды әндерімен қуантты. Әр қатысушы тәтті сыйлық пен ҚИнЭУ туралы ақпараттық буклет алды. Бұл шара жастар мен қала тұрғындарын біріктіріп, қуанышқа, шығармашылыққа және достыққа толы ерекше атмосфера сыйлады.