Студенттер үшін тәжірибе алаңдары кеңеюде

ҚИнЭУ өңірдің алдыңғы қатарлы ұйымдарымен ынтымақтастықты жалғастыруда. Бүгін университет 140-тан астам серіктес- кәсіпорын қатарына тағы бір беделді мекеме - «Қазпошта» АҚ Қостанай облыстық филиалын қосты. Бүгінгі кездесу барысында ҚИнЭУ ректоры Арман Оразалиұлы Исмаилов пен филиал директоры Тлеукүл Төлеуқызы Имашева студенттерге арналған өндірістік тәжірибе мен практикалық оқытуды ұйымдастыруға бағытталған ынтымақтастық туралы келісімге қол қойды. Бұл серіктестік аясында ҚИнЭУ студенттері сату және клиенттермен жұмыс, экономика және жоспарлау, IT-технологиялар, логистика және тағы басқа салаларда тәжірибеден өте алады. - Қазіргі таңда ‘Қазпошта’ жүйесінде кадр тапшылығы байқалып отыр. Біздің құрылым – көп салалы, тек пошта қызметкерлері ғана емес, түрлі бағыттағы мамандар қажет. Студенттер үшін бұл – кәсіби ортада шыңдалуға керемет мүмкіндік, – деп атап өтті Тлеукүл Төлеуқызы өз сөзінде. Бұл ынтымақтастық студенттеріміздің кәсіби дамуына үлкен серпін береді деп сенеміз.