Қайрат Маишевтың табыс формуласы

Бүгін ҚИнЭУ студенттерімен өзінің табысқа жету жолымен Қостанай облысы Кәсіпкерлер палатасының өңірлік кеңесі төрағасы, «Жас-Канат 2006» және Poultry-Agro компанияларының бас директоры, Қазақстан құс өсірушілер одағының жетекшісі, «Республика» партиясынан облыстық мәслихат депутаты Қайрат Әлембайұлы Маишев бөлісті. Тығыз жұмыс кестесіне қарамастан, Қайрат Әлембайұлы студенттермен кездесуге уақыт тауып, мансаптық өсу жолы, жеке тәжірибесі және түлектерге қажетті кәсіби дағдылар туралы кеңінен әңгімеледі. Ол табысқа жетудің негізі — білім, сапалы оқу және денсаулық екенін атап өтті. Спикер студенттерге биік мақсаттар қоюдан қорықпауға, әрдайым алға ұмтылуға кеңес берді. Кездесу Қостанай облысы Кәсіпкерлер палатасымен бірлескен жұмыс жоспары аясында ҚИнЭУ мансап және бизнес-көшбасшылығы орталығының ұйымдастыруымен өтті. Іс-шара студенттер үшін шабыт беретін, мотивациялық кездесуге айналды. Қатысушылар белсенді түрде сұрақ қойып, өздеріне пайдалы ақпарат пен тың ойлар алды. Сонымен қатар, Кәсіпкерлер палатасы алдағы уақытта студенттерге арналған оқыту тренингтері мен шеберлік сабақтарын ұйымдастыруға дайын екенін білдірді.