Қазақстандағы конституциялық құқықтың дамуы: 1995–2025

Бүгін Қостанай инженерлік-экономикалық университетінде Қазақстан тарихы пәні аясында «Қазақстандағы конституциялық құқықтың дамуы: 1995–2025» тақырыбында ғылыми семинар өтті.

Семинар ұйымдастырушысы, әлеуметтік-экономикалық пәндер кафедрасының аға оқытушысы Фарида Жеңісханқызы Ардабаева өз сөзінде Конституция - еліміздің негізгі заңы екенін атап өтті. Ол мемлекеттік құрылымды, қоғамның дамуын және билік тармақтарының ұйымдастырылуын айқындайды. Әлеуметтік-экономикалық пәндер кафедрасының меңгерушісі Дархан Серікұлы Ахметов өз сөзінде бұл тақырыптың ел азаматтары үшін аса маңызды екенін айтты. Конституция - жай ғана құжат емес, мемлекеттіліктің негізі. Бұл – еліміздің тәуелсіздігі қалай қалыптасқанын және қандай болашаққа бет алғанымызды көрсететін құқықтық айна. Ата заң – сөз бостандығы, білімге қолжетімділік, сайлауға қатысу, сотта құқықты қорғау сияқты негізгі құқықтарды қамтамасыз ететін құжат. Жеті жарғыдан бастап қазіргі Конституцияға дейінгі жол – тек құқықтық емес, рухани эволюцияның да көрінісі. Университет студенттері мазмұнды баяндамалар жасап, Қазақстан Конституциясының дамуы мен өзге елдердің негізгі заңдарын салыстыра отырып талдау жүргізді.

https://www.instagram.com/p/DPBPGDZDKF7/

25 қыркүйек 2025 жыл