Корей этномәдени бірлестігіне - 35 жыл

Қостанай қаласында «Қостанай облыстық корей этномәдени бірлестігі» қоғамдық ұйымының 35-жылдығына арналған «Бастауынан болашаққа: Корей этномәдени орталығының тарихы мен бүгіні» атты дөңгелек үстел өтті. Іс-шараға ҚИнЭУ президенті, Қазақстан халқы Ассамблеясының өзбек этномәдени бірлестігінің төрағасы Рихсибай Мамедов қатысты. Дөңгелек үстел барысында орталықтың құрылу тарихы еске алынып, корей этносының ұлтаралық келісімді нығайтудағы рөлі, қайырымдылықты дамытуға қосқан үлесі, сондай-ақ жастар қозғалысының маңызы мен корей қауымдастығы өкілдерінің Қазақстан халқы Ассамблеясы аясындағы белсенді қызметі атап өтілді. Сонымен қатар, өңір өмірінің түрлі салаларындағы корей халқы өкілдерінің жетістіктері мен азаматтық белсенділігі талқыланды.

https://www.instagram.com/p/DPDSysFjPFS/

26 қыркүйек 2025 жыл