Серіктестік жаңа белеске шықты

Бүгін ЦентрКредит банкінде Қостанай инженерлік-экономикалық университетінің әлеуметтік-экономикалық пәндер кафедрасының филиалы ашылды. ЦентрКредит банкі - университетпен көп жылдан бері тығыз қарым-қатынаста жұмыс істеп келе жатқан сенімді серіктес. Кафедра филиалының ашылуы - осы әріптестіктің жаңа белесі, әрі бұрын бекітілген екіжақты меморандум аясындағы ынтымақтастықтың нақты нәтижесі. Тараптар қазіргі қарқынды дамып жатқан еңбек нарығында бәсекеге қабілетті, жан-жақты дайындалған кадрларды қалыптастыруда бірлескен жұмыстың рөлі зор екенін атап өтті. Бұл бастама – білікті мамандарды сапалы даярлауға бағытталған маңызды қадам. Университет пен банк арасындағы осындай әріптестік студенттерге теорияны тәжірибемен ұштастырып, заман талабына сай білім алып, болашақта кәсіби ортада сенімді жұмыс істеуге жол ашады. Қазірдің өзінде 1Фин411 тобы «Банктік менеджмент және маркетинг» пәнінен тәжірибелік сабақтарын банк филиалының директоры Төлебаев Даурен Талғатұлы өткізуде.

14 қазан 2025 жыл.