ҚИнЭУ-да Эко-орталық ашылады

Біздің университетте қоршаған ортаны қорғауға қызығушылық танытқан және экологиялық бастамаларға белсенді қатысуға дайын студенттерге арналған жаңа бірлестік - Эко-орталық өз жұмысын бастайды. Эко-орталықтың алғашқы кездесуі болашақ жобаларды таныстыру, жұмыс бағыттарын талқылауға арналды. Кездесудің қонағы - экобелсенді және әлеуметтік кәсіпкер Динара Шадрина. Ол атап өткендей, «Шынайы экологиялық жұмыс - бұл тек қоқыс жинау емес, әдеттерді өзгерту, саналы тұтыну және тұрақты тәжірибелерді енгізу». Динара эко-ағартушылықпен айналысады және экологиялық таза өнімдер шығарады: шоперлер, эко-сөмкелер, сондай-ақ киім мен аксессуарларды апсайклинг жасау. Ол өз тәжірибесін студенттермен бөлісіп, экологиялық өмір салтын қалыптастырудың маңыздылығын көрсетеді. Кездесуге тек «Агроэкология» білім беру бағдарламасының студенттері ғана емес, басқа білім беру бағдарламаларының студенттері де қатысты. Бұл экологиялық бастамаларға кең қызығушылықтың бар екенін дәлелдейді. Қатысушылар Эко-орталықтың жұмыс бағыттарын талқылады, іс-шаралар жоспарын жасады және идеяларды бірлесе жүзеге асыруға келісті.

24 қазан 2025 жыл