Менің елім - менің мақтанышым!

Бүгін М.Дулатов атындағы Қостанай инженерлік-экономикалық университетінің оқытушылары мен студенттері «Аэропорт» ықшам ауданының тұрғындарына арнап Қазақстан Республикасы күніне орай «Менің елім – менің мақтанышым!» атты мерекелік іс-шара өткізді. Іс-шараның мақсаты – жастар мен тұрғындардың бойында патриоттық рухты, елге деген сүйіспеншілікті және бірлікті нығайту. Мереке барысында студенттер шығармашылық өнерлерін көрсетіп, Отан туралы әндер орындап, би билеп, шағын театрландырылған көріністер қойды. Балалар үшін қызықты «Менің сүйікті елім» квесті ұйымдастырылды, ал тұрғындар түрлі бекеттерде өз білімін тексеріп, Қазақстанның картасын құрастырып, мәдениет, тарих және дәстүр тақырыптарындағы зияткерлік сайысқа белсенді қатысты. Барлық қатысушыларға сыйлықтар мен дипломдар табысталды. Бұл ұлттық мереке ел бірлігін нығайтып, тұрғындарға қуаныш сыйлап, әр азаматқа Отанға деген сүйіспеншілік өзімізден басталатынын еске салды!

25 қазан 2025 жыл

https://www.instagram.com/p/DQOcBY4jJuT/