Қостанайда әйелдердің саяси көшбасшылығын дамытуға бағытталған «Таңшолпан» жобасы іске қосылды.

Жоба бастамашылары - «AMANAT» партиясының Әйелдер қанаты және партия Орталық аппараты жанындағы Саяси менеджмент академиясы. 25 маусым күні М.Дулатов атындағы Қостанай инженерлік-экономикалық университетінің базасында жобаның таныстырылымы өтті. Шараға облыстың барлық аудандарынан келген 100-ге жуық әйел, партия өкілдері, мәслихат депутаттары, білім беру мекемелерінің басшылары мен сарапшылар қатысты. «Таңшолпан» жобасының оқу бағдарламасы 6–12 айға есептелген. Бағдарламаға лекциялар, тренингтер, вебинарлар, практикалы модульдер және қатысушылардың өз бастамаларын қорғау кіреді. Бағдарламаны сәтті аяқтаған қатысушылар партияның кадрлық резервіне енеді және аймақтық, қалалық деңгейде әлеуметтік жобаларды жүзеге асыру мүмкіндігіне ие болады. «Таңшолпан» жобасы – Қостанай облысында жүзеге асырылатын аймақтық бастама. Алдағы уақытта жоба аясында тақырыптық бағыттарды дамыту және түлектерді саяси өмірге белсенді түрде тарту жоспарланып отыр.

https://www.instagram.com/reel/DLWs3M9Nk-X/?igsh=a202dmsyaHc3OXFn