Автокөлік құрастырудың қыр-сырын таныды

Өткен аптада ақпараттық технологиялар және автоматика кафедрасының меңгерушісі Нұргүл Калиқызы Удербаева, сондай-ақ оқытушылары Данил Вадимович Иванов мен Родион Романович Бабич кафедра студенттері үшін «СарыарқаАвтоПром» зауытына танымдық экскурсия ұйымдастырылды. Экскурсия барысында студенттер заманауи автокөлік өндірісінің барлық кезеңдерін өз көздерімен көріп, құрастыру процесінің технологиялық тізбегімен танысты. Кейбір студенттер тіпті жаңа құрастырылған автокөліктің ішінде отырып көрді. Зауыт қызметкерлері студенттерді жылы қабылдап, көкейдегі сұрақтарына жан-жақты жауап берді. Бұл кездесу студенттерге тек теориялық білімді нақты өндіріс жағдайында ұштастыруға ғана емес, болашақ кәсібіне деген қызығушылықтарын арттыруға мүмкіндік берді. Экскурсия барлық қатысушыларға жағымды әсер қалдырды, жаңа білім мен шабыт сыйлады.

17 қазан 2025 жыл.