Студенттерге Сheck-Up

Бүгін ҚИнЭУ-да Қостанай облыстық ЖИТС-тің алдын алу және оған қарсы күрес орталығының мамандары бірінші курс студенттерімен кездесті. Тақырып - өте маңызды. Орталықтың алдын алу бөлімінің маманы Серік Кадрон адамның иммунтапшылығы вирусы - адам организмінің иммунитетін бұзатын қауіпті аур екенін атап өтті. Ең қорқыныштысы - ол көп жағдайда белгілерсіз өтеді, яғни адам өзін денсаулығында бір ахау бар екенін сезбейді: «Бүгінде Қостанай облысында төрт мыңнан астам адам АИТ диагнозымен өмір сүруде. Бұл тек статистика емес – бұл біздің өңіріміздің шындығы.Зақымдану тек жыныстық жолмен емес, сонымен қатар тату және сұлулық салондарында, тіс емханаларында стерильсіз құралдар арқылы да болуы мүмкін». Дәрістен кейін жастар денсаулық орталығының дерматовенерологы Роза Сланбекова студенттердің қан құрамындағы қант мөлшері мен қан қысымын тексерді. Ал ЖИТС орталығының мамандары АИТ-ке экспресс-тест өткізді - нәтижесі небары 20 минутта дайын болды.

https://www.instagram.com/p/DQqzPV0jBAr/

5 қараша 2025 жыл