Біреудің қателігі - сабақ

Бүгін ҚИнЭУ студенттері Қазақстанның он мыңға жуық студенттерімен бірге сот процесіне қатысып, оның куәсі болды. Айыпталушы - 19 жастағы студент, олардың құрдасы. Бұл - ойдан шығарылған емес, шынайы оқиға. Жас жігіт шет елден есірткі заттарын тапсырыспен алып, олардың тасымалымен және «қойма» жасаумен айналысқан. Қазір ол заң бойынша жауапқа тартылуда. Айыптаушы 17 жыл бас бостандығынан айыруды сұрады. Сот процесіне қатысқан Қостанай көлік прокурорының орынбасары, әділет кеңесшісі Ерлан Еркінұлы Хамитов жастарға жазалау шараларына тоқталып, студенттерді «жеңіл табыс» ұсынып, курьер болуға, белгісіз сәлемдемелерді жеткізуге немесе банк карталарын үшінші тұлғалардың пайдалануына келісуге жол бермеуге шақырды. - Бүгінгі көрсетілген сот процесі - алдын алу шарасы. Заңсыз есірткі сақтаудың өзі -бостандықтан, білімнен, болашақтан айыратын тура жол. Банк картаңызды басқа адамдардың қолдануы - нақты қылмыстық схема. Біреудің қателігін қайталамаңыз! Бір ғана қате шешім өміріңізді түбегейлі өзгертуі мүмкін.

20 қараша 2025 жыл.