АI және лингвистика: цифрлық синергия дәуірі

Облысымызда Қостанай облысы әкімдігінің бастамасымен «АI және лингвистика: цифрлық синергия дәуірі» аймақтық форумы өтті. Іс-шараға Қостанай инженерлік-экономикалық университетінің президенті Рихсибай Абдурахманұлы Мамедов қатысты. Форум барысында қазақ тілінің жасанды интеллект дәуіріндегі даму бағыттары, цифрлық кеңістікте қолданылу мүмкіндіктері, сондай-ақ білім беру үдерісінде AI технологияларын тиімді пайдалану жолдары жан-жақты талқыланды. Іс-шара барысында «Халықаралық «Қазақ тілі» қоғамы» мен Қостанай облысының әкімдігі арасында мемлекеттік тілді дамытуға бағытталған бірлескен жобаларды жүзеге асыру жөнінде меморандумға қол қойылды. Форум тіліміздің бүгінгі даму бағытын айқындап, қазақ тілінің тек мәдени кеңістікте ғана емес, цифрлық және технологиялық ортада да орнығып келе жатқанын көрсетті.

18 желтоқсан 2025 жыл.