Экологиялық мәдениет - әрқайсысымыздан басталады!

Университеттің еріктілері оқу ордамыздың аумағында орнатылған экоконтейнерлерді қайтадан тазалау жұмыстарын жүргізді. Өкінішке қарай, жағдай әлі де қанағаттанарлықсыз: контейнерлерден пластиктің орнына тамақ қалдықтары, қағаз, сондай-ақ өзге де тұрмыстық қоқыстар табылды.

Нәтижесінде экоконтейнерлер өз мақсатын жоғалтып, қарапайым қоқыс жәшіктеріне айналып барады. Ал еріктілер бұл қалдықтарды ерікті түрде тазалауға мәжбүр, бұл олардың еңбегін қиындатып қана қоймай, экологиялық жобаның мәнін де әлсіретеді.

Осындай жауапкершілік танытып, экобокстарды тазартуда өз үлесін қосып жүрген Жәнібек Тұрсынтай, Денис Сухоруков, Сергей Губерт, Тимур Есиркепов, Данил Кулман секілді студенттерге алғыс білдіреміз.

Экоконтейнерлер ТЕК пластик қалдықтарын жинауға арналғанын еске саламаыз.
Оларға тамақ қалдықтарын, қағаз бен картонды, аралас қоқысты тастауға қатаң тыйым салынады.
Барлықтарыңызды саналы болуға және өзгенің еңбегіне құрметпен қарауға шақырамыз. Экологиялық мәдениет – әрқайсымыздан басталады.

20 наурыз 2026 жыл