ҚИнЭУ-ге білім алуға шақырдық!

ҚИнЭУ-дің кәсіби бағдар беру тобы Науырзым ауданының жоғары сынып оқушыларымен кездесті.

Докучаев жалпы білім беретін №1 және №2 жоғары сынып оқушыларына университетке түсу ережелері, дайындық бағыттары, білім беру бағдарламалары, мүмкіндіктері мен артықшылықтары туралы ақпарат берілді.

- Біздің университет кәсіби біліктілігі жоғары мамандарды экономика, ауыл шаруашылық, IT, көлік және техникалық бағыттар бойынша даярлайды, - деп атап өтті қабылдау комиссиясының маманы.

Сонымен қатар академиялық ұтқырлық бағдарламасына ерекше назар аударылды. Бұл бағдарлама бойынша біздің студенттер әлемнің кез келген университетінде бір семестр білім ала алады. Қазіргі таңда университет 15 елмен ынтымақтастық орнатқан.

Оқушыларға қызығы мен шыжығы мол студенттік өмір туралы бірінші курс студенттерінің өздері айтып берді. Олардың айтуынша, ҚИнЭУ-де жалығуға уақыт жоқ!

Науырзымдық талапкерлерді ҚИнЭУ-де күтеміз!

23 сәуір 2026 жыл