Ақ жол, түлек!

Бүгін М.Дулатов атындағы Қостанай инженерлік-экономикалық университетінің 250-ге жуық бакалавриат және магистратура түлектері салтанатты түрде диплом алып, үлкен өмірге қанат қақты.

Еліміздің ертеңгі дамуына үлес қосатын жас мамандар қатарын енді экономистер мен есепшілер, агрономдар мен технологтар, бағдарламашылар, көлік қозғалысын ұйымдастырушылар, жылу энергетиктер және тағы да басқа кәсіби мамандар толықтырмақ.

Салтанатты рәсімде университеттің академиялық даму жөніндегі проректоры Жұлдыз Орынтайқызы Ошақбаева түлектерді маңызды белестің аяқталуымен құттықтап, ақ жол тіледі.
- Бүгінгі жетістік - сіздердің табанды еңбектеріңіздің жемісі. Алдағы өмір жолдарыңыз жарқын, еңбектеріңіз жемісті болсын,- деді ол.

Биылғы диплом табыстау рәсімінің ерекше сәттерінің бірі - оқу мен қоғамдық өмірде үздік нәтиже көрсеткен түлектерге Қазақстан Республикасының жаңа Конституциясының алғашқы даналары сыйға тартылды.
  
Бүгін - жай ғана қоштасу емес, жаңа өмір жолының бастауы. Қолда - диплом, бойда- білім, артта - отбасы мен ұстаздардың қолдауы. ҚИнЭУ түлектері жаңа белестерді бағындыруға дайын!

26 маусым 2026 жыл