Тазы – ұлттық мұрамыз

Кеше Қазақстанда алғаш рет Тазы мен төбет күні аталып өтті.

Осыған орай М. Дулатов атындағы Қостанай инженерлік-экономикалық университетінің студенттері «Қоғамдық келісім» КММ-де журналист Гүлжібек Бәекенқызы Бекмұхамедованың тазыға арналған авторлық деректі фильмінің көрсетіліміне қатысты.

Фильмнен кейін қатысушылар тазының қазақ мәдениетіндегі орны, оның «Жеті қазынамен» байланысы және ұлттық мұраны сақтаудың маңызы туралы пікір алмасты. Тазы - ғасырлар бойы қазақ даласында адамға серік болған, халқымыздың тарихы мен мәдениетінің ажырамас бөлігіне айналған ерекше жануар.

Іс-шараның ерекше қонағы - Джамбул есімді тазы болды. Студенттер тазымен танысып, оны еркелетіп те үлгірді. Өкінішке орай, қазіргі таңда Джамбул жануарлар үйінде тұрып, өзіне мейірімді әрі қамқор отбасы іздеп жүр.

4 қыркүйек 2026 жыл