ЖИ: кеше-фантастика, бүгін–шындық

AI WEEK және ақпараттық технологиялар және автоматика кафедрасы апталығының соңғы күнінде ҚИнЭУ студенттері мен оқытушылары ғылыми-фантастикалық триллер тамашалады. Фильмнің атауы – «Превосходство».

Көрсетілімінен кейін студенттер мен оқытушылар өз пікірлерімен бөлісіп, кинода жасанды интеллект бұрын қалай бейнеленгенін және бүгінгі технологиялармен қаншалықты сәйкес келетінін талқылады.

Талқылау барысында студенттерге бірнеше сұрақтар қойылды. Соның ішінде фильм сюжеті бойынша: егер адамның санасын цифрлық ортаға көшіруге мүмкіндік болса, ол сол адамның өзі болып қала ма, әлде оның цифрлық көшірмесіне айнала ма?

- Ғылым мен технология дамып келеді, алайда адам санасын ешқашан ешкім алмастыра алмайды, - деді өз сөзінде инновациялық даму және жасанды интеллект жөніндегі проректор Нұргүл Қалиевна Удербаева.

28.09.2026