Ақыл-ой шайқасы

ҚИнЭУ-де қала оқушылары үшін қызықты КВИЗ интеллектуалды ойыны өтті.

 Іс-шара стандарттау және тамақ технологиялары кафедрасының апталығы аясында ұйымдастырылды.  Оған қала мектептерінің оныншы сынып оқушылары қатысты. Ақыл-ой шайқасы  төрт раундтан тұрды. Әр раундта  1 минут ішінде 8 сұраққа жауап беру керек болды. Ұялы телефонмен қолдануға тыйым салынғандықтан оқушылар тек өз білімдеріне ғана жүгінді.

  Сұрақтар әртүрлі білім салаларын қамтыды: химия, биология, физика және математика. «Шын немесе өтірік» финалдық раундында оқушылар эрудицияны ғана емес, ақпаратты сыни тұрғыдан бағалау қабілетін де көрсетті.

 Жарыс нәтижелері:

 1 орын - №17 мектеп командасы

 2 орын - №21 мектеп командасы

3 орын - №6 мектеп және №18 гимназия командалары

 Жеңімпаздар мен қатысушылар, сонымен қатар оқушыларды осы сайысқа дайындаған мектеп ұстаздары грамоталармен марапатталды. Сондай - ақ, ҚИнЭУ қабылдау комиссиясы оқушыларға университеттің білім беру бағдарламалары мен мүмкіндіктері туралы айтып, ал іс-шараны ұйымдастырушы-стандарттау және тамақ технологиялары кафедрасы өз оқу бағыттарына тоқталды.