ҚИнЭУ ЕСІГІ БАРШАҒА АШЫҚ

Құрметті достар! Бүгін біздің университетте Қостанай қаласының мектеп түлектері үшін Ашық есік күні өтті.

Іс-шараға 400-ден астам мектеп оқушылары келді. Мектеп түлектеріне университет бойынша экскурсия ұйымдастырылып, оқу орнындағы білім беру жүйесі, студенттердің белсенді өмірі, академиялық ұтқырлық және ҚИнЭУ студенттеріне қолжетімді мүмкіндіктер туралы ақпарат берілді.

Міржақып Дулатов атындағы ҚИнЭУ президенті қала мектептерінің үш оқушысын біздің университетте оқуға 100% жеңілдікпен марапаттады. Грант иегерлері:

• Батырхан Тәмерлан Дарханұлы – № 15 орта мектеп; • Сахаба Мансурхан Нұрланұлы – Абай атындағы мектеп; • Рахимжанов Рахат Русланұлы – Абай атындағы мектеп.

Іс-шара барысында университет туралы теориялық маңызды ақпараттан бөлек, мектеп оқушыларына арналған қызықты ойын-сауық бағдарламасы да ұйымдастырылды. Бағдарламаға билер, фокустар, ұтыстар, ойындар және керемет сыйлықтар кірді.

«ҚИнЭУ-де өткен күн сіздің есіңізде несімен қалды?» деген сұраққа оқушы Петр былай деп жауап берді: «Би батлы өте қызықты болды, мен құлаққап ұтып алдым, сондай-ақ болашақ мамандығымды таңдап, осы оқу орнына түскім келетінін түсіндім. Фокусшының өнері де ерекше ұнады, керемет болды!».

Біз қонақтарға іс-шараның ұнағанына өте қуаныштымыз.