Білім беру бағдарламаларын жетілдіру

Бүгін, 2025 жылдың 24 қантарында Көлік және сервис кафедрасында "Логистика" және "Тасымалдауды, қозғалысты ұйымдастыру және көлікті пайдалану" білім беру бағдарламаларын әзірлеу жөніндегі академиялық комитеттің отырысы өтті. Отырысқа "Қазтеміртранс" АҚ коммерциялық жұмыс бөлімінің бастығы Динара Омарова және осы компанияның кадр қызметінің өкілі Алтынай Назарова, сондай-ақ "Алмар Экспорт" ЖШС-нен Юлия Вельмицкая қатысты.

Білім беру бағдарламаларының жетекшілерінің баяндамаларын тыңдап болған соң жұмыс берушілер жоғары білікті мамандарды даярлауда өз ұсыныстарын берді. Олар логистика мен көлік-тасымал саласында жұмыс істеу үшін қажетті негізгі бағдарламаларды меңгерудің маңыздылығын атап өтті. Мамандандырылған пәндерге көбірек сағат бөлу үшін кейбір оқу пәндерін қысқарту туралы ұсыныс жасалды. Жұмыс берушілер "Minor"бағдарламасын оқыту мүмкіндігін оң бағалады.

 Академиялық комитет барлық ескертулер мен ұсыныстарды ескеріп, білім беру бағдарламаларын жетілдіру бойынша жұмысын жалғастырады.