Күн тәртібінде - ауыл жастары арасындағы жұмыссыздық мәселесі

Бүгін, 2025 жылдың 14 наурызында Қостанай облыстық «AMANAT» партиясы филиалы жанындағы жастарды қолдау жөніндегі өңірлік кеңесінің отырысы өтті. Оған ҚИнЭУ Жастар саясаты Департаментінің директоры Жанар Сеилханқызы Нұрғазина қатысты. Күн тәртібінде - ауыл жастары арасындағы жұмыссыздық мәселесі қарастырылды. Қостанай облысының жұмыспен қамтуды үйлестіру және әлеуметтік бағдарламалар басқармасының басшысының орынбасары Гүлжанат Джамбулатовна Керібаева «Жастар тәжірибесі», «Алғашқы жұмыс орны» және «Ұрпақтар келісімі» мемлекеттік бағдарламаларының маңыздылығын атап өтті. Сондай-ақ, жастардың кәсіпкерлік бастамаларын қолдауға арналған «Бастау Бизнес» жобасына тоқталды. 2024 жылы 17 мыңнан астам жастар жұмысқа орналасу үшін көмекке жүгінген, олардың 90%-ы жұмысқа орналастырылды немесе оқуға бағытталды. 2025 жылы 869 өтініш бергендердің 768-і жұмысқа орналастырылды.