«QostanAI Conference» конференциядағы ҚИнЭУ тәжірибесі

Қостанайда «QostanAI Conference» атты конференция өтті. Іс-шара жасанды интеллект пен өңірлік даму тақырыбына арналды. Костанай инженерлік-экономикалық университетінің Цифрлық шешімдерді енгізу және АI бөлімінің web-бағдарламашысы Алмат Кушебаев конференцияда баяндама жасап, университетте жасанды интеллектті енгізу тәжірибесімен бөлісті. Өз баяндамасында Алмат Кушебаев AI-SANA бағдарламасы аясында әзірленген бес AI-агентке кеңінен тоқталды. Бұл агенттер университеттің негізгі процестерін автоматтандыру мен жетілдіруге бағытталған. Олардың қатарында: «Оқу навигаторы», «Талапкерді қолдау», «Пікірлерді талдау жүйесі», «Оқудан шығуын болжау», «Білім сапасын бақылау» бар. Спикер сондай-ақ жасанды интеллект агенттерін енгізудің жоғары тиімділігін атап өтіп, олардың университеттің цифрлық жетілу деңгейі мен басқару сапасын арттыруға қосқан үлесін ерекше белгіледі. Бұл – ҚИнЭУ-дың AI-SANA бастамасын белсенді түрде қолдайтынының айқын дәлелі.

30 қазан 2025 жыл