ҚИнЭУ жасыл алаңы

Алыс-жақыннан келген қонақтар университеттің заманауи зертханаларымен және инфрақұрылымымен танысты. Экскурсия барысында қонақтар тарапынан «Very nice!» деген жылы пікірлер жиі естіліп, олардың ҚИнЭУ-дің жоғары деңгейде жабдықталған оқу орталықтарына ерекше тәнті болғаны анық байқалды. Сонымен қатар, қонақтар ҚИнЭУ- Атамекен әлеуметтік хабының жұмысымен танысты. Қостанай облысы Кәсіпкерлер палатасының әлеуметтік салаға жауапты комитет төрағасы Александр Соболев әлеуметтік кәсіпкерліктің бизнес саласындағы жаңа әрі маңызды бағыт екенін атап өтті. Оның айтуынша, бұл жоба – университет пен Ұлттық кәсіпкерлер палатасы арасындағы саналы кәсіпкерлікті дамытуға бағытталған алғашқы эксклюзивті серіктестік форматы. Университет ректоры Арман Исмаилов және Ираннан келген қонақ, Ислам Азад университетінің спорт менеджменті кафедрасының доценті Джамшид Хемати салтанатты түрде ҚИнЭУ жасыл алаңының ашты. Жасыл алаң қоршаған ортаны қорғауға бей-жай қарамайтын, экологиялық жобаларға белсенді атсалысуға дайын студенттерді біріктіреді.

24 қараша 2025 жыл