Жасанды интеллект негіздерін меңгерді

Бүгін Қостанай инженерлік-экономикалық университетінің «Ақпараттық технологиялар және автоматика» кафедрасының студенттері AI-Bootcamp оқыту воркшобының 3-ағымы аясында жасанды интеллекттің негіздерін меңгеріп, цифрлық дағдыларын дамыту мүмкіндігіне ие болды. Іс-шара Qostanai Hub тарапынан ҚИнЭУ-дің Цифрлық трансформация және AI департаменті және ақпараттық технологиялар мен автоматика кафедрасымен бірлесе ұйыдастырылып, Қостанай облысы әкімдігінің «Ақпараттандыру, мемлекеттік қызметтер көрсету және мұрағаттар басқармасы» ММ қолдауымен өтті. @digital_kostanay ҚИнЭУ-дің Цифрлық трансформация және AI департаменті әзірлеген 5 жасанды интелелкт -агент туралы ақпарат беріп, олардың әрқайсысының қызметімен студенттерді таныстырды. Қатысушылар заманауи AI құралдарының жұмыс істеу принциптерін түсініп, оларды білімде, өмірде және кәсіби қызметте қолдану жолдарын меңгерді. Іс-шараның соңында студенттерге жасанды интеллект негіздері бойынша BootCamp-тің үшінші ағымын сәтті аяқтағаны және жасанды интеллект құралдарымен жұмыс істеудің практикалық дағдыларын меңгергені үшін сертификаттар табысталды.

4 желтоқсан 2025 жыл