Табиғатпен дос болуды бірге үйренеміз

Қостанай инженерлік-экономикалық университетінің мансап және бизнес-көшбасшылық орталығы «ReStart» жобасы аясында «Жанұя» балалар үйінің тәрбиеленушілері үшін экологиялық бағыттағы іс-шара өткізді. Университеттің студенттері Карина Казачук пен Ажар Нұрмағамбетова балаларға арналған интерактивті шеберлік сабағын ұйымдастырды. Кездесу барысында қатысушылар тұрмыстық қалдықтардың түрлері, олардың қоршаған ортаға тигізетін зияны және адам денсаулығына әсері туралы қарапайым әрі түсінікті тілмен жеткізді. Экоорталық жетекшісі Динара Бостановна Шадрина ерекше қызығушылық тудырған бейнефильм ұсынды. Табиғатқа келетін зиянды нақты мысалдар арқылы көрсеткен фильм балаларды бейжай қалдырмай, қызу пікірталасқа ұласты. Олар сұрақтарға белсенді жауап беріп, табиғатты қорғау жолында әрқайсысының не істей алатыны туралы ойларымен бөлісті. Қалдықтарды сұрыптауға арналған ойын барысында балалардың қызығушылығы ерекше артты. ҚИнЭУ кәсіпкерлік колледжінің еріктілері Данияр Қазиев пен Иван Макагон қатысушыларға қоқысты қайта өңдеуге жарамды және жарамсыз түрлерге бөліп көруді ұсынды. Ойын кезінде Динара Бостановна қалдықтарды дұрыс сұрыптаудың маңызын, оның қоршаған ортаға келетін зиянды азайтып, қалдықтарға екінші өмір сыйлайтынын түсіндірді. Кездесу соңында балалар экологиялық әдеттер туралы пікір алмасты. Пластикті аз қолдану, эко-ойыншықтар жасау және экологиялық акцияларға қатысу жолдары талқыланды. Аталған іс-шара балалардың табиғатқа деген жанашыр көзқарасын қалыптастыруға және экологиялық жауапкершілігін арттыруға жақсы бастама болды.

17 желтоқсан 2025 жыл.