Жасыл алаңға экскурсия

Экоорталықтың қызметімен таныстыру мақсатында бүгін әлеуметтік-экономикалық пәндер кафедрасының оқытушыларына ReStart жобасы аясында экскурсия өткізілді.

Қонақтар жасыл алаңның миссиясы мен жұмыс принциптерімен танысты. Экоорталық «Нөл қалдық» философиясы бойынша жұмыс істейді, экскурсия барысында барлық аймақтар мен олардың ерекшеліктері егжей-тегжейлі түсіндірілді.

Экоорталықтың сабақтары мен шеберлік сыныптарына белсенді қатысып жүрген студенттер- Карина Казачук және Ажар Нұрмағамбетова, осы уақыт ішінде жасалған жұмыстар туралы айтып берді. Олар, соның ішінде, экоқалташаларды тігу тәжірибесін, өткізілген шаралар мен алдағы жоспарларымен де бөлісті:

-Біз осы аптада балабақшаға бардық, келесі аптада балалар үйіне баруды жоспарлап отырмыз. Мұндай іс-шаралар өскелең ұрпақты табиғатты сыйлауға тәрбиелеуге көмектеседі, - деді студенттер.

Экскурсия қатысушылары күнделікті қаншама қалдық шығаратындығымызды түсініп, қоршаған ортаны қорғау қажеттілігін тағы бір рет бағалады.

#restart
#ҚИнЭУ
#центркарьеры 

12 желтоқсан 2025 жыл