Экожауапкершілік - біздің таңдауымыз

Қостанай инженерлік-экономикалық университетінде «ReStart» жобасы аясындағы жұмыс жалғасуда.

Бүгін белсенді студенттер экобокстарды қайтадан пластикалық бөтелкелерден тазартты. Бөтелкелерді бір пакетке, қақпақтарды бөлек жинады, ал қалған қоқыс… иә, өкінішке орай, кейбір студенттер бұл бокстардың мақсатын түсінбейді де, оларды қоқыс шелектеріне айналдырады.

Қуаныштысы, еріктілер саны күннен күнге артып келеді. Жүйелі экобелсенділер қатарына бірінші курс студенттері мен жастар саясаты департаменті қосылды. Оларды атап өткенді жөн көрдік: Карина Казачук, Ажар Нұрмағамбетова, Жәнібек Тұрсынтай, Софья Новоженова, Азизбек Умаркулов, Тимур Есиркепов, Родион Новиков, Денис Сухоруков, Сергей Губерт .

Студенттер - жарайсыңдар!

27 ақпан 2026 жыл